“O‘zaeronavigatsiya” Markazi DUK va Kasaba uyushmasining 2024 yil uchun asosiy tadbirlar qoʼshma rejasiga asosan, joriy yilning 17-19 may kunlari korxona xodimlari oʼrtasida spartakiada musobaqalarining yakuniy-final boschiqi va Ijtimoiy ishlar bo’limi bo’limi tomonidan psixologik treninglar Toshkent viloyati Boʼstonliq tumanida joylashgan “SHAFRAN” dam olish maskanida muvaffaqiyatli oʼtkazildi.

Ijtimoiy ishlar bo’limi va Kasaba uyushmasi ko’magida tashkillashtirilgan Spatakiadada “O‘zaeronavigatsiya” Markazi DUKning barcha Hududiy bo'linmalarida o'tkazilgan musobaqalarning 1-bosqich g‘oliblaridan iborat 14 ta jamoa ishtirok etdi.

Mazkur tadbirdan koʼzlangan asosiy maqsad- xodimlarning salomatligini mustaxkamlash, ularning jismoniy faolligini oshirish, shuningdek korporativ madaniyat va xamkasblar oʼrtasida doʼstona munosabatlarni rivojlanitirishdan iborat boʼldi. Ishtirokchilar chidamlilik, kuch va strategik fikrlash qobiliyatlarini namoish etib, turli yoʼnalishlar boʼyicha bellashdilar.

Keskin musobaqalar natijasida Buxoro HB jamoasi aʼlo darajadagi sport maxorati va jamoaviy birdamlik koʼrsatib birinchi oʼrinni egalladi va chempion unvonini qoʼlga kiritdi. Urganch HB jamoasi xam yuqori saviyadagi tayyorgarlikni namoyish etib faxrli ikkinchi oʼrinni, Qarshi HB jamoasi esa faxrli uchinchi oʼringa sazovor bo'ldi.

Gʼoliblar kasaba uyushmasi tomonidan qimmatbaxo sovrinlar bilan munosib taqdirlandilar va barcha qatnashchilarga esdalik sovgʼalari topshirildi.