Bugun “O‘zaeronavigatsiya” Markazi DUK xodimlari O‘zbekiston Davlat tabiat muzeyiga tashrif buyurib, tabiat olamiga ajoyib sayohat qildilar. Ekskursiya davomida xodimlar tabiatning hayratlanarli xilma-xilligidan ilhomlanib, turli xil muzey eksponatlarini o‘rganishdi.

Ta’kidlash joizki, mazkur ekskursiya “Moziyga sayohat” dasturi doirasida tashkil etilgan bo‘lib, undan ko‘zlangan maqsad muzeylar faoliyatini qo‘llab-quvvatlash, shuningdek, muzey kolleksiyalari orqali xalqimizning boy tarixiy-madaniy merosini keng targ‘ib etishdir.