“O’zaeronavigatsiya” Markazi DUK tomonidan bitiruvchilarni Zomin va Shahrisabz aerodromlarida parvozlar ma’lumotlari xizmati nazoratchisi lavozimiga ishga qabul qilish bo’yicha tanlov bo’lib o’tadi.

“O’zaeronavigatsiya” Markazi DUK direksiyasida 2023 yil 01-02 Noyabr kunlari “Havo harakatini boshqarish” mutaxassisligi bo‘yicha (ICAO shkalasi bo'yicha 3-darajadan past bo'lmagan ingliz tilini bilish seritifikatiga ega) ta’lim muassasalari bitiruvchilari o’rtasida tanlov o’tkaziladi.

Tanlovda 21 yoshdan kichik bo’lmagan, O’zbekiston Respublikasi fuqaroligiga ega, oʻzbek, rus va ingliz tillarini (ICAO shkalasi boʻyicha kamida 3-darajada) bilgan, shuningdek “Havo harakati” yoʻnalishi mutaxassisligi bo’yicha diplomga ega shaxslar ishtirok etishlari mumkin.

Eslatma: agarda talabgorda xorijiy oliy taʼlim muassasasining diplomi bo’lsa, ushbu chet el diplomini nostrifikatsiyalash jarayonidan oʻtganligini tasdiqlovchi hujjatlar qoʻshimcha ravishda taqdim etilishi lozim. 

Nomzodlarni ro‘yxatga olish 2023 yil 1 noyabr kuni soat 10:00 dan 15:30 ga qadar bo‘lib o‘tadi.

Ta'lim muassasalarining bitiruvchilari ro'yxatdan o'tishlari shart, shundan so'ng ular tanlovda ishtirok etish uchun nomzodlar ro'yxatiga kiritiladi.

Ro'yxatga olish jarayonida nomzod qabul komissiyasi kotibiga quyidagi hujjatlarni taqdim etishi lozim:

- pasport yoki ID (nusxasi);
- ta’lim muassasasini tamomlaganligi to‘g‘risidagi diplom va baholash varaqasi (nusxasi);
- ICAO shkalasi bo'yicha ingliz tilini bilish sertifikati (3-darajadan past bo'lmagan).

Qo’shimcha savollaringiz bo'lsa quyidagi raqam orqali murojaat qilishingiz mumkin: +998 78 140-27-08