Joriy yilning 23-27 iyun kunlari “O‘zaeronavigatsiya” Markazi DUK tomonidan ta’lim muassasalarining “Havo harakatini boshqarish” mutaxassisligi bo‘yicha bitiruvchilari o’rtasida navbatdagi tanlov o’tkaziladi.

      Tanlovda 21 yoshdan kichik boʻlmagan, Oʻzbekiston Respublikasi fuqarosi boʻlgan, oʻzbek, rus va ingliz tillarini mukammal biladigan, “Havo harakatini boshqarish” yoʻnalishi boʻyicha diplomga ega boʻlgan shaxslar ishtirok etishlari mumkin.

      Eslatma: agarda talabgorda xorijiy oliy taʼlim muassasasining diplomi bo’lsa, ushbu chet el diplomini nostrifikatsiyalash jarayonidan oʻtganligini tasdiqlovchi hujjatlar qoʻshimcha ravishda taqdim etilishi lozim.

 

«Nomzodlarni ro‘yxatga olish» jarayonining I -bosqichi 2023 yil 23 iyun kuni soat 10:00 dan-15:30 gacha bo‘lib o‘tadi.

      Ta'lim muassasalarining bitiruvchilari ro'yxatdan o'tishlari shart, shundan so'ng ular tanlovda ishtirok etish uchun nomzodlar ro'yxatiga kiritiladi.

      Ro'yxatga olish jarayonida nomzod tanlov komissiyasi kotibiga quyidagi hujjatlarni taqdim etishi kerak:

- pasport (nusxasi);

- ta’lim muassasasini tamomlaganlik to‘g‘risidagi diplom, baholash varaqasi (nusxasi).

- 2023-yilgi bitiruvchilar uchun “Havo harakatini boshqarish” yo‘nalishi bo‘yicha – bitiruvchi maqomini tasdiqlovchi oliy o‘quv yurtidan ma’lumotnoma.