Kichik mehmonlar Toshkent mahalliy aeroportida kutib olindi va ular uchun O‘zbekiston Kinematografiya muzeyiga ekskursiya tashkil etildi. Bolalar o‘zbek kinosining tarixi, taraqqiyoti, turli ko‘rgazmalar, fotosuratlar bilan yaqindan tanishdilar hamda yangi kino zalida qiziqarli va motivatsion film tomosha qilishdi. Maroqli ekskursiyadan so’ng barcha bolalar yozgi ta’tilni mazmunli o’tkazish maqsadida sog’lomlashtirish oromgohiga jo’nab ketishdi.