Xabaringiz bor, joriy yilning 25-27 iyul kunlari O‘zbekiston tennis federatsiyasining sport zalida O‘zbekiston aviatsiya xodimlari o’rtasida kasaba uyushmalari Respublika Kengashining birinchiligi uchun stol tennisi bo‘yicha musobaqa bo‘lib o‘tdi.

Ushbu musobaqada “O’zaeronavigatsiya” Markazi DUK jamoasi 18 ta jamoa ichidan mutlaq g’olib deb topilib, 1 - likni qo’lga kiritdi. Jamoa tarkibidagi Shukurov Samandar mazkur musobaqa haqida o’z hissiyotlari bilan bo’lishdi.

 

"Musobaqa boshida oson bo'lmadi, dastlabki 2 saralash o'yini, 2 ta mag'lubiyat, keyingi musobaqada ishtirok etishlik so'roq ostida qolishi tushkunlikka tushirdi. Jamoamizning katta salohiyati bor, lekin hayajon va asabiylashish bizga salbiy ta’sir ko’rsatayotgan edi. Shunda biz jamoamiz tarkibi bilan yig'ildik, o’zaro gaplashib, tinchlanishga harakat qildik va ketma-ket uchta o'yinda g'alaba qozondik. Keyingi o’yinlarda guruhimiz a’zolari umidsizlikka tushishmadi, ularga buning uchun hamda hotirjamlik, do’stona munosabat, mahorat va kuchli g'alaba qozonish istagi uchun o’z minnatdorchiligimi bildiraman”- deydi Samandar.