Bugun biz 34-tug'ilgan kunimizni nishonlayapmiz. Bu shunchaki oddiy raqam emas, balki bizning 34 yil mobaynida o'sishimiz, yutuqlarimiz va eng ezgu maqsadlarimizdan biri - xavfsiz havo qatnovini ta'minlashda qo'shayotgan ulkan hissamiz ramzidir.

Korxonamiz 1991 yilda tashkil etilganidan beri  jamoamiz rivojlanishdan to'xtamadi va biz global aviatsiya tizimining muhim qismiga aylandik, havodagi harakatni boshqarish uchun ilg'or texnologiyalarni joriy qildik, kuchli professionallar jamoasini tuzdik.

Jamoamiz har kuni aviatsiya sayohat qilish uchun ishonchli va xavfsiz usuli bo'lib qolishi maqsadida ishlaydi. Biz o'z tariximiz bilan faxrlanamiz va boshlang'ich nuqtada turgan, bugungi kunda ishlayotgan va kelajakda ushbu faoliyatni davom ettiradigan barchaga minnatdorchilik bildiramiz.

Ishimiz doimo barqarorlik va taraqqiyot timsoli bo'lib qolsin!