2024-yilning 16-iyul kuni “O‘zaeronavigasiya” Markazi DUK delegatsiyasi CANSO tashkiloti taklifiga binoan Yevropa havodagi harakat tashkiloti – Eurocontrol shtab-kvartirasiga tashrif buyurdi.

Tashrif doirasida Yevropa aeronavigatsiya xizmatlari provayderi faoliyatiga bag‘ishlangan taqdimot bo‘lib o‘tdi. Ishtirokchilarga joriy va rejalashtirilgan ko‘rsatkichlar hamda tashkilotni rivojlanish istiqbollari va rejalari taqdim etildi. Tashrif doirasida delegatsiya, shuningdek, Eurocontrol kompaniyasining havo qatnovini operativ tahlil qilish, rejalashtirish va muvofiqlashtirish, shuningdek, inqirozli vaziyatlarni hal qilish uchun mo‘ljallangan Digital Operations Center (Tarmoq menejeri markazi)ga tashrif buyurdi. Markaz havo, rejalashtirish va meteorologik sharoitlarni ko'rsatish uchun barcha kerakli dasturiy ta'minot bilan jihozlangan.

Bundan tashqari, tashrif doirasida Yevropa havo hududidan foydalanishni yaxshilash bo‘yicha qator tashabbuslarni ishlab chiqqan Yevropa tadqiqot instituti SESAR faoliyati taqdim etildi. 

Tadbir yakunlari bo‘yicha “Eurocontrol” kompaniyasi bilan havo harakatini boshqarish sohasida hamkorlikni kengaytirish bo‘yicha kelishuvga erishildi.