22–23 август кунлари бутун Ўзбекистон бўйлаб «Обод ва файзли маҳалла – юрт кўрки» шиори остида умумхалқ хайрия хашари бўлиб ўтди.
«Ўзаэронавигация» Маркази ходимлари ҳам ушбу кенг кўламли ташаббусга фаол қўшилиб, ўз ҳиссасини қўшишди.
Бу сафар хашар Марказ жамоаси учун янги Тошкент-Шарқий аэропорти ҳудудида ташкил этилди. Жамоавий саъй-ҳаракатлар билан атроф ҳудудни ободонлаштириш, тозалаш ишлари амалга оширилди.
Эслатиб ўтамиз, мазкур аэропорт ҳудудида барпо этилган ҳаво ҳаракатини бошқариш минораси тез кунларда фойдаланишга топширилиши режалаштирилган.